U21-landsliðsspælarin, Mattias Hellisdal fekk fulla spælitíð, tá Västerås í kvøld spældi dyst móti Elfsborg á útivølli í bestu svensku fótbóltsdeildini.
Dysturin móti Elfsborg í Borås endaði við 3-0 sigri til heimaliðið, ið var á odda 1-0 í steðginum.
Elfsborg hevði bóltin væl meira, og hagtølini við málmøguleikum innanfyri málrammurnar søgdu 7-1 til heimaliðið.
Mattias fær karakterin 6,4 frá Sofascore, og 6,2 (av 10 møguligum) frá Soccerstand.
Västerås er nummar sjey í deildini við 25 stigum.
Mikudagin klokkan 17.30 spælir Västerås dyst á útivølli móti Enköping í svensku steypakappingini. Enköping spælir í triðbestu deildini, so tað burdi borið til hjá Mattiasi og liðfeløgunum at vunnið seg víðari í steypakappingini.
