Sambært CBS News hevur amerikanski verjumálaráðharrin, Pete Hegseth, biðið stabsleiðaran hjá amerikanska herinum, Randy George general, um at leggja frá sær við virknaði beinanvegin.
Hetta upplýstu amerikanska sjónvarpsstøðin frá keldum, sum kenna til avgerðina.
Ein kelda váttar upplýsingarnar fyri tíðindastovuni Reuters.
Hetta hava almennar keldur ikki staðfest enn.
Ein av keldunum hjá CBS News sigur, at Hegseth í staðin vil hava ein hernaðarleiðara, sum kann fremja visjónirnar hjá honum og Donald Trump forseta fyri herin.
Tí biður Hegseth 61 ára gamla Randy George leggja frá sær fyri tíðina.
Stabsleiðarin hevur áður verið bæði í fyrra Golfkrígnum og í krígnum í Afghanistan og Irak.
Hann varð útpeikaður sum starvsfólkaleiðari av undanmanninum hjá Trump í forsetaembætinum, Joe Biden, og staðfestur av senatinum í 2023.
Vanliga situr ein starvsfólkaleiðari í fýra ár. Hetta merkir, at Randy George skuldi halda fram til 2027.
/Ritzau/
