- Í gjár kom Jóanes Joensen, meistari á Teistanum, úr Hesti til Skopunar við einum modelli av Golden Harp SA195.
Soleiðis skrivar Gerhard Lognberg, fyrrverandi borgarstjóri í Skopunar kommunu, á sínum Facebook-vanga í gjár.
- Jóanes hevði sæð á Facebook, at eg hevði fingið handað ein nagla av sama skipi frá Sverra Láadag.
Og Gerhard leggur aftrat:
- Eg takkaði fyri og fari at seta modellið av sluppini í Selatraðneystið.
Á sínum Facebook-vanga í gjár takkar Gerhard Lognberg bæði Sverra Láadal og Jóanesi Joensen fyri gávurnar til neystið.
Ørindini, sum Sverri Láadal hevði í Skopun herfyri, vóru at handa Gerhard ein nagla úr Golden Harp, sum Sverri sjálvur hevur tikið úr sluppini.
Nú hann var í Skopun, ynskti Sverri Láadag at geva naglan til Selatraðneystið.
Sverri vísir á, at Golden Harp rak á land í Hvalvík í 1924 og gjørdist vrak. Rovini av skipinum síggjast enn á Hvalvíkini á fjøru - meira enn hundrað ár eftir skipsbrotið.
- Vrakið gjørdist okkara besta spælipláss, tá vit vóru dreingir. Dekkið varð tikið úr, og vit sigldu inni í sluppini við flakum og tunnubátum, sigur Sverri Láadal.
##med2##
##med3##
