Tveir tíggjundapartar av einum sekundi vórðu skornir burtur, tá Elspa Mørkøre setti persónligt, føroyskt og oyggjaleikamet á 100 metra teininunm í rygg.
At síggja til, so hevði Elspa Mørkøre fult tamarhald á kappingini allan vegin.
- Eg sá tær alla tíðina aftan fyri meg, og so fóru armarnir bara runt – fusj, fusj, fusj, flenti hon.
Talan var um triðju finaluna og fjórða heiðursmerkið, sum Føroyar vunnu hetta kvøldið, og tí var skilligt, at adrenalinið hjá svimjarunum veruliga var komið í kroppin.
Í øllum førum ivaðist Elspa ikki tað allarminsta, tá hon varð spurd, hvørt hetta fór at verða stílurin restina av kvøldinum.
- yes, tað verður tað. Ikki minst verður spennandi at vita, hvørt báðar stafettirnar kunnu vinna gull, helt hon.
