SYÐRUGØTA – Tað er trupult at ímynda sær betri karmar um ein tónleikafestival enn teir, sum eru í Syðrugøtu í dag.
Sólin stendur av heiðum himni, hitin er summarligur, og sjógvurin er spegilblankur. Á sandinum liggja fólk og sóla sær, onnur leika í sjónum, meðan nógv bara sita í sandinum og njóta løtuna. Kenslan er næstan sum at vera á einari tropiskari strond heldur enn mitt í Føroyum.
Á økinum er friðarligt og hugnaligt. Vinir hittast, familjur ganga millum teltini, børn spæla í sandinum, og festivalgestir løða upp til eitt kvøld við góðum tónleiki og góðum felagsskapi.
Júst hetta sermerkta samanspælið millum náttúruna og tónleikin ger G! Festivalin heilt serligan. Fá festivaløki í heiminum kunnu bjóða slíkan konsertpall beint við sjóvarmálan, har gestirnir kunnu skifta millum eitt at baða í sjónum og eina konsert við fáum fetum.
Tá sólin fer at lækka, flytir lívið seg spakuliga frá sandinum fram móti pallunum. Kvøldið bjóðar upp á eina fjølbroytta skrá við bæði føroyskum og útlendskum nøvnum. Millum annað fara Teitur, Fantastic Negrito, Frændur, Girls in Airports, Silvurdrongur, Tunghoyrt, Dögg Nónsgjógv og fleiri onnur á pall.
Alt bendir tí á, at enn eitt minniligt G!-kvøld er í væntu – og um veðrið heldur fram sum higartil, verður tað helst eitt av teimum kvøldunum, sum fólk fara at minnast leingi eftir, at síðsti tónin er spældur.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##
##med21##
##med22##
##med23##
##med24##
##med25##
##med26##
##med27##
##med28##
