Í kvøld lendi spildurnýggja flogfarið hjá Atlantic Airways fyri fyrstu ferð í Vágum. Talan er um eitt sonevnt neo-flogfar - ein Airbus 320neo - sum tekur 174 ferðafólk.
- Eins og hini flogførini hevur nýggja flogfarið eisini fingið navn, og flogfarið eitur Tita eftir listakvinnuni, Titu Vinther.
Á Facebook-síðuni hjá Atlantic Airways verður víst á, at Tita Vinther var slóðbrótandi listakvinna innan føroyska tekstillist.
Í 2005 fekk Tita Vinther stóra viðurkenning, tá hon fekk Mentanarvirðisløn landsins.
- Fleiri av hennara verkum eru ogn hjá eitt nú Listasasavni Føroya, og hon hevur havt ein týðandi leiklut í føroyskari listasøgu.
Tita andaðist í 2019.
Á Facebook-síðuni hjá Atlantic Airways verður Titu ynskt vælkomnari til Føroya.
##med2##
