Seinnapartin verður farið undir síðsta triðingin av kappingini í 1. deild. Øll tíggju liðini skulu í eldin, og sannførandi toppliðið TB skal spæla á útivølli ímóti NSÍ. Í TB ferðalagnum er 19 ára gamli Patrik Johannesen, sum í summarsteðginum er fluttur úr FC Suðuroy, har hann higartil í ár hevur skorað 11 mál. Hann er fluttur aftur í barndómsfelagið og verður roknaður at vera kærkomin styrkur, nú toppskjúttin í deildini, Ragnar Tausen, sum higartil í ár hevur skorað 16 mál, skjótt fer av landinum í lestrarørindum.
FC Suðuroy, sum er á uppflytingarplássi, fær í dag vitjan av Víkingi. Heimaliðið hevur nýggjan ábyrgdarmann á beinkinum. Jón Pauli Olsen avloysir Jon Johannesen, sum í summarsteðginum bað FC Suðuroy farvæl.
Triðja liðið, sum hevur møguleika at flyta upp, er 07Vestur. Í dag fáa vágamenn á Valloyrini í Sandavági vitjan av teimum næstbestu hjá AB. 17. mai vann AB 3-0 á heimavølli ímóti 07Vestur.
NSÍ-TB: Rúni Gaardbo kl. 15.00
07Vestur-AB: Bent Tommy Linklett kl. 15.00
B36-KÍ: Johan Petur Michelsen kl. 16.00
HB-EB/Streymur: Jóhan Hendrik Ellefsen kl. 13.30
FC Suðuroy-Víkingur: Hallur Christiansen kl. 15.00
Støðan undan 19. umfari
TB 52
B36 31
FC Suðuroy 30
07Vestur 30
NSÍ 26
AB 26
Víkingur 21
EB/Streymur 13
KÍ 12
HB 10
