##med2##
Føroyska U19 kvinnulandsliðið í flogbólti tapti eisini triðja dystin í innleiðandi bólkaspælinum í NEVZA kappingini í Finnlandi. Ígjár tapti føroyska liðið 0-3 móti bæði Danmark og Finnlandi.
Í dag gekk tað eina tonn frægari. Føroyska liðið vann eitt sett móti Onglandi, men tapti 1-3.
Ongland-Føroyar 3-1 (25-19, 15-25, 25-22, 25-16)
Á ljóðfíluni omanfyri ber til at hoyra frá FM1:
1) Hoyr hvussu tað ljóðaði á FM1 tá frásøgumaðurin, Óli G. Samuelsen segði frá teimum avgerandi bóltunum í øðrum setti, ið føroysku U19 kvinnurnar vunnu 25-15.
2) Hoyr samrøðuna Óli G. Samuelsen gjørdi við landsliðsvenjaran, Lars Engell sum slær fast, at hann royndi at fáa so nógvarar spælarar sum møguligt at royna seg í dag, og tað merkti dystin, staðfestir Lars Engell.
3) Hoyr samrøðuna Óli G. Samuelsen gjørdi við Zoe Dickson, ið sambært hagtølunum var besti spælarin hjá Føroyum í dag. Zoe vónar at kunna gera tað betri klokkan sjey í morgin tá plasseringsdystur er á skránni.
Óli G. Samuelsen sigur beinleiðis frá plasseringsdystunum sum føroysku U19 landsliðini spæla á FM1 í morgin.
FM1 hoyrist á www.midlar.fo ella gjøgnum útvarpslurtið á frekvensunum FM 88,7; FM 91,7; FM 93,9; FM 95,5 og FM 98,7.
