8. mars verður monologurin ?Ibsen kvinner - set en ørn i et bur? av norsku sjónleikarkvinnuni Juni Dahr framførdur í Norðurlandahúsinum. Altjóða kvinnustríðsdagurin, 8. mars, verður markeraður á ymsan hátt kring alt landið. Í Norðurlandahúsinum ber til at síggja og hoyra monologin ?Ibsen kvinner - set en ørn i et bur? við norsku sjónleikarkvinnuni Juni Dahr, sum eisini hevur skrivað monologin. Støðið verður tikið í seks av teimum kvinnunum, sum høvundurin Ibsen so meistarliga hevur lýst í sínum bókmentum. Ibsen kvinnurnar, sum leikinurin snýr seg um eru:
Hilde úr ?Byggmester Solness?
Hedda úr ?Hedda Gabler?
Fru Alving úr ?Gengangere?
Nora úr ?Et dukkehjem?
Elida úr ?Fruen fra Havet?
Hjørdis úr ?Hærmændene paa Helgeland?
Juni Dahr hevur ferðast í nærum øllum heimspørtum við hesum monologinum og hevur eisini vunnið fleiri virðislønir fyri leikin. Sjálv sigur Juni, at hon heldur, at hóast Ibsen skrivaði sínar kvinnu-vangamyndir fyri meira enn 100 árum síðani, so hevur hann verðið sera vísur og dugað sera væl at lýst kvinnulyndið í øllum sínum margfeldi.
Juni greiður frá, at hesar seks kvinnurnar berjast við somu trupuleikarnar, men gera tað á ein sera ymiskan hátt, og tað er júst hetta, sum er kjarnan í leikinum. Juni er sjálv mest hugtikin av víkingakvinnuni Hjørdis, og tá ið hon á fyrsta sinni skuldi spæla Hjørdis, fekk hon góða hjálp frá leikstjóranum til at síggja tað menniskjaliga í leiklutinum. Hon heldur, at júst hetta er lykilin til allar leiklutirnar hjá Ibsen.
Monologurin verður framførdur kl. 19.30 og kostnaðurin er 125 kr.
