Í morgun er eldur í einum oljutanga í havnabýnum, Sevastopol á Krim-hálvoynni í Svartahavinum.
Krim er hálvoyggin, sum Russland tók frá Ukraina í 2014, og Russland sigur í morgun, at eitt ukrainskt dronuálop er orsøkin til stóra eldin.
Myndir á staðnum í morgun vísa eitt ógvusligt eld-og roykskýggj, sum stendur til himmals.
Sambært borgarstjóranum í Sevastopol, sum Russland hevur sett til valdið, Mikhail Razvozjajev, spreiðir eldurin seg í umhvørvinum.
- Fyribils upplýsingar siga, at tað er eitt ukrainskt dronuálop, sum er orsøkin til eldin. Ongar fráboðanir eru um deyð ella løstað, skrivar hann á Telegram.
Borgarstjórin sigur, at støðan er undir eftirliti, og at sløkkilið arbeiða við at sløkkja eldin.
##med2##
Myndugleikarnir í Ukraina hava higartil ikki gjørt viðmerkingar til hendingina.
Havnarbýurin, Sevastopol, er høvuðsstøðin hjá russiska svartahavsflotanum, og Ukraina hevur áður í krígnum lopið á mál á Krim-hálvoynni.
Tað er tíðindastovan, NTB, sum ber hesi tíðindi í morgun.
