Handlarnir, sum eru limir í Handilsmiðdeplinum í Runavíkar kommunu, hava opið til klokkan 22 í kvøld. Nøkur kvøld um árið hava handlarnir í Runavíkar kommunu leingi opið.
Eitt slíkt kvøld verður í kvøld, tá handlar, sum eru limir í Handilsmiðdeplinum í kommununi, hava opið til klokkan 22.
Veðurlíkindini eru einki serlig, men tað plagar ikki at halda fólki aftur í at fara út at hyggja seg um.
Handilsøkið í Runavíkarøkinum er vorðið enn meiri áhugavert, nú nýggir handlar eru komnir til bygdar.
Í einum livandi handilsøki, sum hesin parturin av Runavíkar kommunu er, eru nógvir og spennandi handlar, og tað er ikki langt síðan, at nýggir handlar eisini komu til bygdar.
