Ein partur av Nólsoyar Pálsgøtu í Klaksvík verður stongdur fyri ferðslu í dag og í morgin.
Klaksvíkar kommuna boðar frá, at høvuðsspillivatnsleiðingin á Nólsoyar Pálsgøtu skal hosufórðast.
Tí verður eingin ferðsla á strekkinum millum Effo og Býráðshúsið 1. og 2. september. Ferðslan verður í staðin leidd fram við bátabrúgvunum.
Eisini verða kloakkleiðingarnar á Jørundsgøtu og Sornhúsgøtu hosufórdar. Arbeiðið verður væntandi liðugt eftir tveimum døgum.
