– Tað er veruliga syrgiligt. Síðani 2021 hava vit altíð kappast um samlaða sigurin. Í byrjanini høvdu vit kanska ikki tað besta sambandið, tí vit vóru so harðir kappingarneytar, sigur Pogacar í samrøðu við fyriskipararnar av Tour de France.
Slovenin sigur tó, at sambandið teirra hevur broytt seg nógv seinnu árini.
– Men hesi seinastu árini hava vit verið starvsfelagar, sum hava havt virðing fyri hvørjum øðrum, og eisini eitt slag av vinum, sigur Pogacar.
Jonas Vingegaard mátti gevast í kappingini eftir eitt fall á 15. teini. Harvið misti Tour de France størsta avbjóðaran hjá Pogacar í stríðnum um gulu troyggjuna.
