Størsta privata fiskivinnufelag í Grønlandi, Polar Seafood Greenland A/S, tjenar nógvan pening í sínum virksemi.
Í seinasta roknskaparári, sum var í 2025, hevði Polar Seafood sítt størsta avlop nakrantíð - 241 milliónir krónur eftir skatt í mun til 99 milliónir krónur í 2024.
- Vit eru stoltir og eyðmjúkir um úrslitið í 2025, og vit viðurkenna, at tað serliga eru prísirnir á heimsmarknaðinum saman við skilagóðum fiskiskapi, sum hava havt stóran týdning fyri samlaða úrslitið.
Hetta sigur Bent Salling, umsitingarstjóri í felagnum.
Hann fegnast eisini um, at teir, sum sigla fyri felagið, eisini hava fingið væl burturúr góðu gongdini við hægri prísum í 2025.
- Tað er her, at viðurøkingin byrjar, leggur stjórin aftrat.
Meira um góðu gongdina hjá Polar Seafood Greenland A/S í 2025 kann lesast um heimasíðuna - www.sermitsiaq.ag
