Vit eru nú komin út í byrjanina av august, og tað merkir, at fyrsta grøðin av Sandafløtti á Sandi er tikin upp og eitt nú kann roynast á matstovuni, Ræst í høvuðsstaðnum.
Meksikanarin og høvuðskokkurin á Ræst, Sebastian Jimenez Garcia, letur sera væl at gularótunum og grøðini av Sandi.
Veitari er bóndin, Jóannes Johannesen, Jóannes í Miðstovuni, róptur, sum í vikuni hevur latið matstovuni í Havn burturav fyrstu grøðini av Sandafløttinum.
Nýupptiknu gularøturnar við framúr góðsku verða brúktar í spennandi rættum hjá Sebastian Jimenez Garcia, sum eisini vekja altjóða ans.
Á Sandafløtti veksa gularøtur, kálrabirøtur og onnur grøði í stórum nøgdum, og her eru Føroya størstu eplaveltur - ja, eitt eldorado við føroyskum grønmeti.
##med2##
