Fyrrverandi Chelsea-venjarin, Claudio Ranieri, er settur sum nýggjur venjari hjá Inter Milan.
Tað var í gjáramorgunin, at Inter-venjarin, Gian Piero Gasperini, fekk sekkin eftir sera vánaliga kappingarbyrjan.
Eftir fimm dystir tríggir í kappingini, ein supercup og ein í steypakappingini var bert ein sigur komin í land, og tað gjørdist ov nógv hjá ótolnu leiðsluni, sum gav Gasperini durafjórðingin.
Claudio Ranieri legði seg skjótt á odda í kappingini at taka yvir, og fyrr i dag kunngjørdi Inter-leiðslan so, at hon hevði gjørt sáttmála við fyrrverandi Chelsea-venjaran, sum seinast var venjari í Roma, ein sess hann segði seg úr í februar.
Sáttmálin, sum Ranieri hevur gjørt við Inter gongur fram til juni 2013, skrivar BBC Sports.
