Tað boðar Altjóða Fótbóltssamgongan, Fifa, frá.
Eftir at Spania hevði vunnið HM-finaluna 1-0 á Argentina, fekk 30 ára gamli miðvallarin handað heiðurslønina Gyllta bóltin, sum verður latin besta spælaranum í kappingini.
Rodri spældi í øllum dystunum hjá Spania á vegnum til heimsmeistaraheitið.
Í finaluni varð hann skiftur út í longdu leiktíðini. Stutt eftir skiftið skoraði Ferran Torres sigursmálið, sum tryggjaði Spania HM-gullið.
Seinni var Rodri aftur á pallinum á MetLife Stadium í New Jersey, har hann sum liðskipari lyfti HM-steypið framman fyri fegnandi spanskari áskoðarafjøld.
Steypið fekk hann handað frá Fifa-forsetanum Gianni Infantino og amerikanska forsetanum Donald Trump.
