Enn eru teir í gongd, stóru legendurnar, Cristiano Ronaldo og Lionel Messi.
Tá Cristiano Ronaldo legði Al Nassr á odda 1-0 í dystinum móti Al Fateh í bestu saudisku fótbóltsdeildini var tað ein stór løta hjá honum.
Málið merkir, at nú hevur Ronaldo skotið fleiri mál enn Messi í opnum spæli. Ronaldo hevur nú skotið 714 mál í opnum spæli, meðan Messi hevur skotið 713.
Tá brotsspørk vera tald við er Ronaldo eitt fitt pettið frammanfyri Messi. Ronaldo hevur við brotsspørkum skotið 875 mál í 1.206 kappingardystum.
Ronaldo hevur skotið 747 mál fyri felagsliðini hann hevur umboðað, og 128 mál fyri Portugal.
Messi hevur skotið 821 mál í 1.047 kappingardystum.
Messi hevur skotið 715 mál fyri felagsliðini hann hevur umboðað, og 106 mál fyri Argentina.
