Sandoyggin hevur nógv at bjóða - eisini familjum sum hava frí. Millum annað er djóradagur í Húsavík á hvítusunnu, so tá er gyltur møguleiki at fara ein Sandoyartúr.
Djórini plaga at standa á eini grønari fløtu. Í hegninum plaga at vera hálandsoksar, kaninir, lomb og hønur at finna í. Tað riggar væl at koma suður fyrrapart, kanska á hotellið ella kafé Breiðateig at eta, og so á djóradag.
Eisini ber til at bíleggja krabbatúr til bestu fjørustøðini í Sandoynni. Á túrinum, sum verður bókaður gjøgnum kunningarstovuna, ber til at veiða krabbar og kombikk saman við ferðaleiðara í fjøruni, har møguleikin fyri fongi er størstur.
Tá ein er í Sandoynni er stóri steinurin í Søltuvík eina vitjan verdur, tí hann hevur eina serstaka søgu. Steinurin er ílatin litfagurt bundið plagg, og høvuðsmyndin er av eini førligari risakonu. Við vegin er eisini eitt stórt risakonuspor, og nakrar hundrað metrar vestureftir er Gívrinarhol – inngongdin til hellið, har blinda risakonan stóð og mól gull á kvørnini. Hendan søgan er best søgd av royndum frásøgufólki, sum Kunningarstovan bjóðar fram. Ein deiligur gongu, renni ella klintritúrur fyri familjuna.
Kostnaður og tíðir til tiltøkini fáast frá kunningarstovuni í Sandoy.
Vitja eisini ferðist í egnum landi á facebook fyri at fáa íblástur til fleiri tiltøk og túrar í Føroyum í summar.
