Tað sigur varastjórin í Secret Service, Matthew Quinn, í eini fráboðan, sum trygdartænastan deilir á sosiala miðlinum X.
– Í kvøld (leygarkvøldið, red.) royndi ein ræðuskítur at skapa ein nationalan sorgarleik.
– Hann undirmetti eginleikarnar hjá Secret Service og varð steðgaður í fyrsta sambandi, sigur Quinn í fráboðanini.
Skjótingin hendi í nátt okkara tíð. Donald Trump og fleiri onnur vórðu flutt burtur.
Lesið eisini: Trump: Gerningsmaður leyp á trygdareftirlitið við fleiri vápnum
Umleið ein tíma seinni skrivaði Trump á sínum sosiala miðli, Truth Social, at gerningsmaðurin varð handtikin.
Sambært Trump er gerningsmaðurin úr Kalifornia. Fleiri amerikanskir miðlar skriva, at talan er um ein 31 ára gamlan mann úr Torrance í amerikanska statinum.
Lesið eisini: Rok í Washington: Fór at skjóta til borðhald við Trump forseta
Myndugleikarnir halda, at hann var gestur á hotellinum. Hann verður ákærdur í einum samveldisdómstóli í morgin.
/Ritzau/
