Seinasti dysturin í Premier Leagyue í dag var stórdysturin millum Arsenal og Manchester United á Emirates leikvøllinum í London. Eitt sjálvmál frá Arsenal verjuspælaranum, Kieran Gibbs, tíggju minuttir inn í seinna hávleik, og eitt mál stutt fyri tíð frá Wayne Rooney var nokk til at vinna dystin. Innskifti Oliver Giroud minkaði um munin í yvirtíðini.
Manchester United hevur stórar trupulleikar í verjuni orsaka av skaðum. Tað bleiv bara verri í hesum dystinum, tá Luke Shaw eisini bleiv skaddur. Tá sást eisini á verjuspælinum í fyrra hálvleiki, tá Arsenal kom fram til onkrar stórar møguelikar.
Størsta møguleikan hevði Jack Wilshere, tá hann bleiv spældur ígjøgnum í brotsteiginum. Heldur enn at spæla upp á tvørs til Danny Welbeck, ella skjóta bóltin í málið, so trillaði hann bóltin beint á David De Gea, málverja á Manchester United.
Jack Wilshiere mátti seinni takka fyri seg vegna skaða. Manchester United kom á odda góðar tíggju minuttir inn í seinna hálvleik, tá málverji og verjuspælari hjá Arsenal rendu saman. Luis Valencia skjey og rakti Kieran Gibbs og so vóru gestirnir úr Manchester á odda.
Arsenal tveitti fólk fram og tað endaði við, at Wayne Rooney stutt fyri tíð kundi leggja Manchester United á odda 2-0. Innskifti Oliver Giroud minkaði um munin stutt fyri tíð.
Spurningurin er nú um Louis van Gaal hevur fingið tamarhald á støðuni í Manchester United, sum í løtuni liggur nummar fýra í Premier League, meðan Arsenal liggur nummar átta.
Premier League:
Arsenal – Manchetser United 1-2 (0-0)
0-1 Kieran Gibbs, 56 sjálvm
0-2 Wayne Rooney, 85
1-2 Oliver Giroud, 90+5
Chelsea-West Bromwich Albion 2-0 (2-0)
11. 1-0 Diego Costa
25. 2-0 Eden Hazard
Everton-West Ham 2-1 (1-1)
26. 1-0 Romelu Lukaku
56. 1-1 Mauro Zarate
74. 2-1 Leon Osman
Leicester City-Sunderland 0-0
Manchester City-Swansea 2-1 (1-1)
09. 0-1 Wilfried Bony
19. 1-1 Stevan Jovetic
62. 2-1 Yaya Toure
Newcastle- Queens Park Rangers 1-0 (0-0)
78. 1-0 Moussa Sissoko
Stoke City-Burnley 1-2 (1-2)
12. 0-1 Danny Ings
13. 0-2 Danny Ings
32. 1-2 Jonathan Walthers
