Nú nærkast akurskurðartíðin. Hetta er tíðin, tá kvinnur og menn gingu í akrarnar at hyggja, hvussu kornið var búgvið. Men, tað er fáur, sum veltur korn í dag.
Og tó. Okkult undantak er. Í Koltri hevur í nøkur ár verið velt korn, nevniliga tvey sløg av føroyskum byggi, Tampar og Sigur, sum kornsløgini verða rópt.
Á Facebook-síðuni - Koltur - verður um dagarnar sagt, at nú nærkast akurskurðartíðin.
- At síggja til gulnar akurin, men um hugt verður nærri eftir aksunum, eru enn grønlitt aks ímillum, og tá er kornið ikki búgvið at skera og heysta.
Henda dagin í vikuni, tá myndir eru tiknar av kornakrinum í Koltri, sveiggja føroysku byggteigarnir í lotinum og hava líla sum hug at leggja seg undan lotinum.
Hetta eru byggteigar, men á myndunum á Facebook-síðuni - Koltur - sæst eisini, at okkurt havrafræ hevur verið ímillum, tá sátt hevur verið í Koltri.
