Um middagsleitið í gjár fekk løgreglan fráboðan um, at eldur var komin í eina gravmaskinu í Havnardali.
Løgreglan sendi neyðsynjarakfør avstað, men longu áðrenn komið var út í Havnardali, var eldurin sløktur.
- Tað var ein hydraulikslanga, sum var farin at leka; olja var komin á heitu turbinuna, og eldur var komin í.
Løgreglan vísir á, at hetta hevur verið ein lítil eldur, tí tað eydnaðist fólki, sum var á staðnum, at sløkkja eldin við kaffi og sodavatni.
- Sum vit hava skilt, stóðst lítil og eingin skaði av eldinum, sigur vaktleiðarin á løgreglustøðini í Havn.
