Tað er ikki koyrandi úr Leirvík niðan móti tunlinum. Tað merkir, at eingin ferðsla úr Leirvík ella úr Norðoyggjum sleppur ígjøgnum.
Tað sigur vaktleiðarin á politistøðini í Havn.
Júst hvussu og hvat er hent er ikki greitt enn, men ein stórur trailari, sum kom frá Tavuni í Leirvík, hevur mist alla lastina á vegin, sum flýtur í sild. Hetta var umleið klokkan 17:30.
– Tað er rættiligt sildarok í Leirvík, sum vaktleiðarin tekur til.
Áðrenn ferðslan sleppur ígjøgnum aftur skal øll sildin fáast upp av vegnum, sum eisini skal reinsast og vaskast, sigur vaktleiðarin, sum væntar, at tað í minsta lagi gongur ein tími, til vegurin er opin aftur.
##med2##
