Minst 11 løgreglumenn hava latið lív í tveimum sjálvmorðsatsóknum í Afghanistan Myndugleikarnir siga, at minst 10 løgreglumenn doyðu, og at fleiri vórðu særdir, tá ein sjálvmorðsbumbumaður sprongdi seg í luftina inni á einari løgreglustøð í Helmand-landspartinum har suðuri í landinum.
Sagt verður, at bumbumaðurin var í løgreglubúna.
Í Farah-landspartinum doyði ein løgreglumaður, og tríggir vórðu særdir, tá ein sjálvmorðsbumbumaður søkti at einari løgreglustøð.
