##med2##
Í sending á FM1 spurdi Árni Gregersen, journalistur, Høgna Hoydal, sum er formaður í Tjóðveldi, hvat flokkur hansara ætlar sær at gera á danatingi?
- Tað er ein góður spurningur, men hann er ikki so trupul at svara. Tjóðveldi er jú tann flokkur, sum vil fullveldi í Føroyum, og Tjóðveldi er einasti flokkur, sum kann føra fullveldispolitikk, sigur Høgni Hoydal.
Formaðurin í Tjóðveldi vísir á, at flokkur hansara er einasti flokkur, sum kann føra fullveldispolitikk á danatingi og sum bara umboðar føroysku tjóðina og føroysk áhugamál á fólkatingi.
- Vit hava sæð, tá aðrir flokkar hava verið á fólkatingi, so hava teir umboðað danskar flokkar, og hetta hava vit serliga sæð síðstu árini á fólkatingi, sigur Høgni Hoydal við FM1.
Øll samrøðan við Høgna Hoydal kann hoyrast við at trýsta á pílin undir myndini.
