Seinnapartin og í kvøld verður punktum sett fyri fyrsta triðinginum av kappingini í næstbestu deildini í fótbólti.
Níggjunda umfar er á skrá. 07 Vestur er ovast á talvuni. Vágamenn fáa seinnapartin vitjan av B71, sum higartil hevur staðið seg væl. Undan dagsins umfari eru sandoyingar saman við B68 á triðja plássi.
Størsti favoritturin í dagsins umfari man vera Skála. Skálamenn eru á uppflytingarplássi. Í dag fáa teir vitjan av MB, sum framvegis bíðar eftir at vinna fyrsta stigið síðani uppflytingina.
B68 er væl við í kappingini um fremstu plássini. Í kvøld fáa toftamenn vitjan av AB, sum higartil hevur staðið seg væl í næstbestu deildini.
Í morgin hittast bestu liðini hjá KÍ og Víkingi. Seinnapartin hittast næstbestu liðini hjá feløgunum í Klaksvík. Undan grannauppgerðini er Víkingur á niðurflytingarplássi.
Samstundis sum besta B36 liðið fer at spæla á Vágseiði, fer næstbesta liðið hjá árstalsfelagnum at spæla í Gundadali ímóti NSÍ.
B36-NSÍ: Johan Petur Michelsen kl. 15.00
07 Vestur-B71: Vinjard Dam kl. 17.00
KÍ-Víkingur: Rúni Gaardbo kl. 15.00
Skála-MB: Hallur Christiansen kl. 15.00
B68-AB: Bjarki Danielsen kl. 18.00
Støðan
07Vestur 21
Skála 19
B68 og B71 16
AB 14
KÍ og NSÍ 9
B36 7
Víkingur 5
MB 0
07Vestur og NSÍ hava spælt 9 dystir, og hini liðini hava spælt 8 dystir
mynd: Eli Hentze
