16. umfar í 1. deild í fótbólti er nú á skránni. TB hevði longu mikukvøldið vitjan av Víkingi, sum fór av Sevmýri við 4-1 tapi.
Sambært skránni skuldi VB/Sumba vitjað í Runavík í dag. Tann dysturin er útsettur til í morgin. Tað kemst av, at ein av VB/Sumba spælarunum, Heini Vatnsdal, orsaka av at U-19 landsliðið er í Lyngby, ikki verður tøkur hjá VB/Sumba fyrrenn í morgin.
Við trivaligum sigri á Sevmýri í 15. umfari legði B71 seg á fremsta plássið. Í dag fara sandoyingar vitja á Skála. Tað hilnaðist ikki væl hjá Skála í 15. umfari. Skálamenn høvdu vitjan av MB, sum er botnlið, og MB vann 1-0. Hetta var fyrsti sigurin yvirhøvur hjá MB í ár. Í hesi vikuni hava skálamenn fingið styrk, nú Bogi Gregersen er fluttur úr B68 og aftur til Skála.
Í Gundadali verður spennandi uppgerð. HB, sum ikki møtti upp í Vági fyri einari viku síðani, eigur heimavøll. Gestirnir eru FC Hoyvík, sum hevur styrkt nógv um liðið í summarsteðginum.
B68 legði bragdliga fyri í vár. Fýra tær síðstu ferðirnar hava toftamenn einki stig fingið burturúr. Í dag fer MB at vitja á Svangaskarði.
1.deild
16. umfar
Mikudagin 22. juli
TB-Víkingur 4-1
Leygardagin 25. juli
Skála-B71: Ransin Djurhuus
HB-FC Hoyvík: Georg Rasmusen kl. 15.00
B68-MB: Andrew Christiansen kl. 15.00
Sunnudagin 26. juli
NSÍ-VB/Sumba: Birgir Sondum
Støðan
B71 30
HB 28
VB/Sumba 28
TB 28
FC Hoyvík 22
NSÍ 21
B68 20
20
Víkingur 17
Skála 11
MB 5
