Toyota hevur kunngjørt, at teir eru klárir við 30 nýggjum elbilum í 2030. Seytjan av teimum koma á marknaðin innan fimm ár.
Fyrsti bilurin verður Toyota BZ4X, sum er ein rættiliga spennandi bilur. Hetta er ein rúmligur 5-persónabilur, sum er bygdur upp sum elbilur við battarínum í botninum.
Toyota BZ4X hevur góðar koyrieginleikar og er væl ljóðdoyvdur. Hetta merkist bæði í býkoyring og á landsvegi, har lítið hoyrist til hjólini inni í bilinum.
Bilurin klárar seg eisini væl á ósløttum undirlendi.
Eins og í øllum øðrum Toyota hevur hesin allar innbygdar trygdarskipanir sum hjálpa bilføraranum undir koyring.
Viðførisrúmið er 452 litrar og er lætt atkomiligt.
##med2##
Toyota BZ4X hevur tveir elmotorar á 80kW hvør og batterikapasitet á 71,4 kWh og koyrir yvir 513 km við eini løðing.
Frá Reyni Service verður sagt, at bilurin kemur á marknaðin í summar.
##med3##
