Enn eitt spennandi kappingarár í gongulagskappingum endaði um vikuskiftið við eini spennandi FM-finalu, tá fjórða og seinasta Safari uttandurakappingin var í Havnardali.
Góður dagur hjá Sólruni
Eins og so nógv onnur, brúkar Sólrun nógva tíð uppá at ríða og venja síni ross. Og hetta sást aftur í úrslitunum í finaluni leygardagin, tá hon á ryssuni, Rjóð frá Kjarri, gjørdist føroyameistari í bæði V1-fjórðgongd og T1-tølti við flottu dómaratølunum 6,67 í V1 og 7,17 í T1. Harafturat vann hon silvur í V5-fjórðgongd á Keisara úr Havnardali.
Eisini tvær ferðir FM-gull til Knút Lützen
Knút Lützen gjørdist føroyameistari í F1-fimmgongd við hestinum Bergstað frá þingbrekku við karakterinum 6,50. Og eisini í T2-slakteymatølti vann Knút føroyameistaraheitið á hestinum Hvini frá Árbæjarhjáleigu II við karakterinum 6,38. Knút og Kári frá Ásbrú vunnu harumframt bronsu í V1-fjórðgongd við karakterinum 6,53.
Gull til Arnfríð og Huga í bæði V1 og T1
Tað er stuttligt at síggja, hvussu tey ungu støðugt mennast og taka seg fram í gongulagskappingum. Til dømis van Arnfríð Dam gull á hestinum Huga frá Hrepphólum í bæði V1-ung og T1-ung. Í V1 var úrslitið 5,83 og í T1 6,56. Eisini hjá fleiri øðrum børnum og ungum sæst týðiliga, hvussu nógva tíð og orku tey leggja í venjing og at læra bestu tilgongdina fyri at gerast dugnalig gongulagsreiðfólk. Tað verður spennandi at fylgja við teimum í framtíðini.
Samreið- og røktarsteyp
Hesa ferð vunnu Óluva og Sproti samreiðsteypið, meðan Julia og Stormur vunnu røktarsteypið.
Kappingarárið endað
Við fjórðu FM-kappingini endaði kappingarárið fyri tey flestu, og nógv ross fara nú út á beiti í summarfrí. Tó eru nøkur, sum nú fara at gera seg klár at fara avstað til NM seinni í mánaðinum. NM í gonguløgum fyri íslendsk ross verður í Svøríki í august mánaði, og spennandi verður at fylgja við har. Meira um tað seinni.
Niðanfyri sæst, hvør vann ymisku kappingarnar og hvussu stigatalið var:
V5-BØRN, fjórðgongd
1 Bjørg Nolsøe Mørk og Ömmu-Jarpur frá Miklholti, 5,17
2 Julia Svabo Jaspursdóttir og Stormur frá Efri-Miðbæ 4,92
3 Eva Waag og Finna frá Ármóti, 4,71
V5, fjórðgongd
1 Guðrun Jakobsdóttir Dalsgarð og Natan frá Auðholtshjáleigu, 5,96
2 Sólrun H. Poulsen og Keisari frá Havnardali, 4,92
3 Tóra Mørkøre og Björk frá þúfum, 4,75
V1-UNG, fjórðgongd
1 Arnfríð Dam og Hugi frá Hrepphólum, 5,83
2 Anna Thomsen og Björk frá Hlemmiskeiði 3, 5,10
3 Kristianna Jespersen og Tristan frá Auðsholtshjáleigu, 5,07
3 Eva á Rógvi og Sproti frá Kvíarhóli, 5,07
V1, fjórðgongd
1 Sólrun H. Poulsen og Rjóð frá Kjarri, 6,67
2 Óluva á Lofti og Sproti frá Hrauni, 6,63
3 Knút Lützen og Kári frá Ásbrú, 6,53
T7-BØRN, tølt
1 Brá Nielsen og Skúli frá Flugumýri 6,17
2 Eva á Rógvi og Sproti frá Kvíarhóli, 5,33
3 Boas Nordendal og Hárekur frá Marknagili 5,17
T7, tølt
1 Tóra Mørkøre og Björk frá þúfum, 7,00
2 Óluva á Lofti og Frami frá Steinnesi, 6,08
3 Gunnar Grækarisson og Kraftur fra Tindsgarði, 5,92
T2, slakteymatølt
1 Knút Lützen og Hvinur frá Árbæjarhjáleigu II, 6,38
2 Óluva á Lofti og Kopar frá Hrauni, 6,33
3 Eva Albinsdóttir og Snæþór frá Austurkoti, 4,63
T1-UNG
1 Arnfríð Ó. Dam og Hugi frá Hrepphólum, 6,56
2 Kristianna Jespersen og Tristan frá Auðsholtshjáleigu, 5,06
T1, tølt
1 Sólrun H. Poulsen og Rjóð frá Kjarri, 7,17
2 Óluva á Lofti og Sproti frá Hrauni, 6,89
3 Knút Lützen og Bergstað frá þingbrekku, 6,56
F1
1 Knút Lützen og Bergstað frá þingbrekku, 6,50
2 Valborg Laksáfoss og Visir frá Skagaströnd, 5,33
3 Bjørg Nolsøe Mørk og Gylling frá Neðra-Seli, 5,02
P2, flúgvandi skeið, 100 m
1 Bárður Johannesen og Kvika frá Hólabrekku, 9,94 sekund
2 Sedea Bjarnadóttir Nolsøe og Rambó frá Hellu, 10,50 sekund
3 Valdemar Lützen og Þórey frá Flagbjarnarholti, 11,06 sekund
