Tað hevur verið rímiliga friðarligt í nátt, tó at tað hevur verið leygarnátt, og norðoyastevna hevur verið í Klaksvík.
- Vit vóru til steðgar í náttarlívinum, og her vóru tveir tilburðir, sum førdu til, at tveir persónar vórðu tiknir við inn á støðina.
Vaktleiðarin visti í morgun at siga, at annar tilburðurin var í Klaksvík, og hin var í Havn - í báðum førum var talan um ólátaðan atburð.
- Eftir at eitt skeinkistað læt aftur í Klaksvík, bleiv eitt sindur av órógvi uttanfyri. Vit vóru á staðnum og tóku ein persón við á støðina.
Sama var í Havn, har eisini ein persónur varð tikin inn á støðina fyri ólátaðan atburð í náttarlívinum.
Hetta vóru fólk, sum høvdu leskað sær á náttini, og í staðin fyri at vera í góðum lag, vóru tey øðrum til ónáðir.
- Teir fingu hvør sína bót á 1500 krónur, sum er hin minna bótin fyri ólátaðan atburð, og persónarnir eru báðir úti aftur, sigur løgreglan í morgun.
