José Mourinho er liðugur í turkiska felagnum, Fenerbahçe. Hetta upplýsir felagið á X, fyrrverandi Twitter.
- Vit takka honum fyri arbeiðið, sum hann hevur lagt í felagið fram til í dag, og vit ynskja honum eydnu frameftir, skrivar Fenerbahçe.
Portugisin megnaði ikki at leiða liðið til Champions League hesaferð. Fenerbahçe leikti ímóti Benfica í playoff, men tapti 0-1 samanlagt.
Istanbul-felagið skal tískil spæla í Europa League í heyst.
62 ára gamli, José Mourinho, byrjaði í turkiska felagnum í 2024 og hevði sáttmála til næsta summar.
Frammanundan var hann í Roma, og áður hevur hann eisini vant onnur stórfeløg, eitt nú Benfica, Porto, Chelsea, Inter, Real Madrid, Chelsea, Manchester United og Tottenham.
Portugisin fær fótin í Fenerbahçe dagin eftir, at norðmaðurin, Ole Gunnar Solskjær, leið somu lagnu í einum øðrum turkiskum felag, Besiktas.
- Ole Gunnar Solskjær tók yvir sum Manchester United-venjari, eftir at José Mourinho mátti gevast í felagnum í desember í 2018, skrivar Verdens Gang.
