Klokkan 20:35 í gjárkvøldið var bjargingartyrlan hjá Atlantic Airways boðsend til sjúkraflutning úr Froðba til Landsjúkrahúsið.
- Hóast myrkur og vátasletting við heldur vánaligur sýni, so metti roynda og staðkenda tyrlumanningin, at hesin sjúkraflutningur kundi gerast trygt og gott, verður sagt hjá Atlantsflog.
Bjargingartyrlan fór úr Vágum klokkan 21:00 og lendi í Froðba klokkan 21:37 Vegna heldur vánaligt veður valdi tyrlumanningin at fáa meira brennievni á tyrluna áðrenn farið varð úr Froðba. Farið varð aftur úr Froðba klokkan 21:44. og lendi tyrlan við Landsjúkrahúsið klokkan 22:03. Síðani var kósin sett aftur til á flogvøllin har tyrlan var gjørd klár til aðrar SAR uppgávur, sigur Terji Jacobsen hjá Atlantsflog.
