Sambært bretskum miðlum eru tríggjar ungar kvinnur funnar deyðar á sjónum í Onglandi.
Kvinnurnar, sum allar vóru um 20 ára aldur, vóru fult ílætnar, tá tær vórðu funnar út fyri Brighton mikudagin.
Løgreglan í Sussex sigur sambært The Independent, at tey fóru á staðið, tí tey fingu boð um, at ein persónur lá í sjónum klokkan 05.45 henda morgunin.
Seinni vórðu tríggjar kvinnur funnar á sjónum í økinum. Bæði vaktartænasta og bjargingarlið úr økinum vóru við í átakinum.
Daily Mail veit at siga, at kvinnurnar vóru blaðungar. Onkur var undir 20, og onkur tíðliga í 20-unum.
Ein kelda, sum starvast hjá vaktartænastuni, skal hava sagt við bretsku ávísina, at kvinnurnar vóru fult ílætnar, tá tær vórðu fingnar upp úr sjónum.
- Hetta er ein hjartaskerandi hending, og tankarnir eru hjá teimum avvarðandi, sigur løgregluleiðarin í Sussex, Adam Hays.
Hann vísir á, at løgreglan kannar allar møguleikar og leggur aftrat, at tey framvegis royna at savna saman prógv í málinum.
Løgreglan kannar, hvussu tær tríggjar kundu enda í sjónum og doyggja, men fyribils bendir einki á, at nakað kriminelt er hent ungu kvinnunum.
##med2##
