Tónlekapallurin er eitt hugnakvøld, har høvið verður at hoyra góðan sang og tónleik, sum ung og eldri framføra. Eisini verður onkur felagssangur. Har verður ein fjølbroytt skrá, við bæði royndum og nýggjum nøvnum. Felags fyri tey er, at fólkini hava sína dagligu gongd her í Sundalagnum, og at tónleikurin eigur stórt rúm hjá teimum.
Afturat hesum føstu táttunum fær tónleikapallurin vitjan av fólki, sum í hesum døgum eru á sangskrivaraskeiði hjá tí navnframa Brett Perkins á Gjáargarði. Einki er at ivast í, at hetta verður eitt spennandi íkast til tiltakið, ið fer at geva áhoyrarunum eina hóming av menningini, sum fer fram millum okkara sang-og tónasmiðir.
Sum vanligt er, tá bókasavnið hevur tiltøk, er eisini ein góður drekkamuður at fáa, og bókasavnið er opið.
