Ljósfest 2026:
Sunnudagurin á Ljósfestini eydnaðist - eins og undanfarna ár - sera væl. Fyriuttan væl vitjaðu myndaframsýningarnar í Suðuroyðar Sparikassa og Miðlatúni, var í teltinum skipa fyri felagssunnudagsskúla. Uppmøtingin var sera góð og tá ið avtornaði høvdu smá 200 børn og vaksin vitja tiltakið.
Ragnar Vest byrjaði við bøn, sangurin rungaði, vit hoyrdu søgu, spældu spøl og leiddi Finn Johannesen okkum stuttliga og gevandi gjøgnum løtuna.
Sera hugnaligt var at fáa vitjan av Rigmor og Sannu o.ø úr City Church úr Havn, sum høvdu søguna fyri okkum í dag undir yvirskriftini “Gud mín, er klettur mín” Sálm. 18,3.
Annika Vilhem leiddu okkum ígjøgnum Faðir Vár, við teknum og aftaná sunnudagsskúlan blivu vit bjóðaði til grillaðir pylsur, sunkist, kaffi og køkur, sum smakkaði avbera væl og sum somuleiðis var ein sera góður og samansjóðaður endi á tiltakinum.
Onki tiltak ger seg sjálvt og tískil ynskja vit at veita eina tøkk til tykkum øll ið skipaðu fyri. Bethel, Frelsunarherurin og Meinigheitshúsið í Vági, verður sagt í tíðindaskrivi.
