Farna vikuskiftið fekk 16 ára gamla, Sara Benjaminsen debut fyri FC Nordsjælland í bestu donsku fótbóltsdeildini.
Tá 86 minuttir vóru leiktir av dystinum millum FC Nordsjælland og Brøndby í Farum kom Sara á vøllin. Tá var støðan 2-1 til Brøndby.
Væl inni í tíðini dómarin hevði lagt aftrat eydnaðist tað Floru Højer at javna til 2-2 og tryggja heimaliðnum eitt stig.
FC Nordsjælland er nummar fýra í deildini við 37 stigum. Tær eru eitt stig frá triðja plássinum, ið gevur rætt til undankappingardystir til Champions League.
Leygardagin 13. juni klokkan 13 møtir FC Nordsjælland á útivølli júst Fortuna Hjørring, ið er á triðja plássinum. Vinnur FC Nordsjælland dystin hava tær tryggjað sær bronsuheiðursmerkini í deildini.
HB Køge er fremst við 50 stigum, og Brøndby er næstfremst við 47 stigum.
HER ber til at síggja hæddarpunktini frá debutdystinum hjá Saru Benjaminsen. Sara sæst síðst í videobrotinum við nummar 44 á rygginum:
##med2##
##med3##
