Jóannes Bjartalíð var á vøllinum í 82 minuttir, tá lið hansara, FC Kyzylzhar vann annan dystin á rað í bestu kasakisku fótbóltsdeildini.
FC Kyzylzhar vann á heimavølli 3-1 á Aktobe, ið er fjórðfremst í deildini.
Longu í triðja minutti av dystinum legði Yevhen Makarenko heimaliðið á odda 1-0, men stutt undan steðginum javnaði Aktobe.
Í seinna hálvleiki koppaði tað til Kyzylzhar. Aktobe fekk tveir leikarar vístar av vøllinum, og heimaliðið skoraði tvey mál. Í 81. minutti legði Etienne Beugre Kyzylzhar á odda við einum brotssparki. Átta minuttir seinni økti Liridon Latifi til 3-1.
Kyzylzhar er nummar átta í deildini við 22 stigum. Teir hava 10 stig upp til Astana, ið er á triðja plássinum sum gevur atgongd til evropeiskan fótbólt aftaná lokna kapping.
Komandi leygardag klokkan 13 spælir Kyzylzhar dyst á útivølli móti Altai.
HER eru hæddarpunktini frá 3-1 sigrinum. Jóannes Bjartalíð sæst við nummar 10 á rygginum:
##med2##
