Petur Knudsen gjørdi stóran mun tá hann kom á vøllin aftaná steðgin, tá Lyngby tók móti Jammerbugt í dysti í næstbestu donsku fótbóltsdeildini.
Petur legði Lyngby á odda 1-0 tá 54 minuttir vóru farnir av dystinum við einum stútara. Við til søguna hoyrir eisini, at málverjin hjá Jammerbugt fór skeivur av bóltinum.
Átta minuttir seinni spældi Petur Frederik Gytkjær leysan í brotsteiginum við einari framúr góðari hælsending, og so var 2-0 til Lyngby.
Tríggjar minuttir seinni staðfesti Kasper Jørgensen sigurin, og Lyngby vann harvið 3-0.
HER ber til at síggja hæddarpunktini frá dystinum:
##med2##
HER ber til at síggja og hoyra eina samrøðu við Petur Knudsen, ið sigur seg fegnast um at kunna gera ein mun:
##med3##