Marius Kryger Lindh hjá NSÍ er tann fyrsti fótbóltsleikarin við bert einum heilum armi síðani norðurírski leikarin, Jimmy Hasty, ið fremur roysnið í einari evropeiskari felagskapping í fótbólti: at skjóta eitt mál í einum dysti í einari evropeiskari kapping fyri felagslið.
Marius økti til 2-0, tá NSÍ aftaná longda leiktíð og brotssparkskapping vann 7-4 á slovenska liðnum, FC Koper, og harvið samanlagt 7-6 í øðrum undanumfarinum í Conference League.
25. september í 1963 skoraði norðurírski leikarin, Jimmy Hasty (1936-1974) sum spældi við írska liðnum, Dundalk FC í 2-1 útisigrinum hjá Dundalk á sveisiska liðnum, FC Zürich í táverandi Europa Cup kappingini.
Tað er sera torført at finna hæddarpunktini frá 7-4 sigrinum hjá NSÍ niðri í Koper, men søguliga málið hjá Marius er tøkt.
Málið sæst her, um enn í heldur vánaligari góðsku:
##med2##
