Í vikuskiftinum hevur eitt spennandi Startup-skeið verið í Hósvíkar skúla, har fleiri ágrýtin fólk hava arbeitt við at gera hugskot til veruleika.
Í Sunda kommunu vita tey at siga, at vinnarin skal finnast í dag, sunnudagin 12. apríl klokkan 16, tá úrslitini verða løgd fram, og ein dómsnevnd fer at útnevna ein vinnara.
- Besta hugskotið fær 10.000 krónur frá Sunda kommunu og ein ráðgevingarpakka frá Vinnuframa á 50.000 krónur.
Lagt verður aftrat, at spennandi tiltakið verður í auluni í Hósvíkar skúla, og øll eru hjartaliga vælkomin. |
