Hetta var nú ein løgin útlegging hjá brúkaraumboðsmanninum – sum kann benda á eina yvirtulking ella á yvirformyndarí. Kanska brúkaraumboðsmaðurin átti at klórað sær í nakkanum og ansað eftir, so hann ikki tekur sær ov stórt vald.
Tað er kent allastaðni, at fólk keypa atgongumerki til festivalar langt áðrenn øll nøvnini eru kunngjørt. Hesum vita fólk av, hetta eru treytirnar. Vit kunnu siga tað sama um haldaragjald av bløðum. Fólk keypa bløðini uttan at vita, hvat stendur í blaðnum, fólk rinda Kringvarpsgjald, áðrenn tey hava hoyrt og sæð, hvat Kringvarpið hevur at bjóða. Men tey kenna treytirnar. Sama er við eitt nú endaspælinum í HM finaluni í fótbólti. Fólk keypa atgongumerki – uttan yvirhøvur at vita, hvør er í endaspælinum - og enn minni í finaluni.
