Næstbesta liðið hjá B36 vann ólavsøkudag trivaligan sigur ímóti HB. 17. umfar í næstbestu deildini er í dag. Grannauppgerðin millum HB og B36 varð framskundað til ólavsøkudag, nú ásetti landskappingardysturin millum HB og KÍ varð útsettur, tí HB var upptikið í Europa.
Tølini siga, at B36 var omaná, og B36 vann 3-0. Bjarti Vitalis Mørk hevði í HB málinum fleiri góðar bjargingar, men tveir minuttir undan steðginum fekk B36 hol á. Eftir horn og innlegg frá Hans Jákup Annfinsson var tað Gilli Samuelsen, sum við høvdinum sendi bóltin í netið.
Tað var eitt korter eftir, tá ið Hugin Samuelsen spældi tvíburabeiggjan Gilla Samuelsen leysan, og so varð 2-0. Nú hevur Gilli Samuelsesn í tveimum dystum skorað fýra mál – tvey í 4-3 sigrinum ímóti Víkingi og tvey í 3-0 sigrinum ímóti HB.
Seks minuttir undan leikloki staðfesti Villiam Klein 3-0 sigurin, tá ið hann var leysur mitt fyri málinum.
Sigurin ber við sær, at B36 er á fimta plássi við 22 stigum, og HB er á áttanda plássi við 18 stigum.
17. umfar
Í dag
NSÍ – AB: Jákup Øssursson Mohr kl. 15.00
Skála – EB/Streymur: Árni Brandsson Petersen kl. 18.00
B71 – Víkingur: Bjarki Danielsen kl. 14.00
FC Suðuroy – KÍ: Áki Leitisstein Hansen kl. 15.00
Ólavsøkudag
HB – B36 0-3 (0-1)
0-1: Gilli Samuelsen 43.
0-2: Gilli Samuelsen 75.
0-3: Villiam Klein 84.
| Skála | 15 | 12 | 1 | 2 | 39 | 15 | 37 |
| NSÍ | 16 | 9 | 2 | 5 | 40 | 27 | 29 |
| Víkingur | 16 | 8 | 2 | 6 | 40 | 28 | 26 |
| B71 | 15 | 8 | 2 | 5 | 34 | 23 | 26 |
| B36 | 17 | 6 | 4 | 7 | 26 | 33 | 22 |
| AB | 14 | 5 | 4 | 5 | 23 | 25 | 19 |
| EB/Streymur | 16 | 6 | 1 | 9 | 27 | 37 | 19 |
| HB | 16 | 6 | 0 | 10 | 22 | 33 | 18 |
| KÍ | 16 | 4 | 3 | 9 | 21 | 34 | 15 |
| FC Suðuroy | 15 | 3 | 3 | 9 | 21 | 38 | 12 |
