Tað var fyrrverandi FC Midtjylland-spælarin Emam Ashour, sum legði Egyptaland á odda miðskeiðis í fyrra hálvleiki. Eftir upplegg frá stjørnuspælaranum Mohamed Salah sendi Ashour bóltin framvið belgiska málverjanum Thibaut Courtois.
Belgia hevði fleiri góðar møguleikar, og eftir steðgin eydnaðist teimum at javna. Ein trýstur egyptiskur verjuspælari, Mohamed Hany, sendi bóltin í egið mál, tá Romelu Lukaku legði trýst á í brotsteiginum.
Mohamed Salah, sum í dag fylti 34 ár, spældi 76 minuttir fyri Egyptaland, men kom ikki á máltalvuna.
Úrslitið merkir, at bæði liðini hava eitt stig í bólkinum, har Iran og Nýsæland eisini eru við.
/Ritzau/
HER ber til at síggja hæddarpunktini frá dystinum millum Belgia og Egyptaland.
