Brøðurnir Páll og Gunnar Breckmann hava keypt politistøðina í Jónas Broncksgøtu í Havn.
Páll Breckmann sigur við Portalin, at støða enn ikki er tikin til, hvat teir skulu brúka ognina til. Um tað ber til at seta bygningin í stand, verður hann helst til skrivstovur. Ein annar møguleiki er handil.
Tí skulu kanningar gerast fyrst.
Økið er umleið 3000 fermetrar stórt, og har eru góð parkeringsviðurskifti.
Slots- og Ejendomsstyrelsen, sum átti politistøðina, valdi at selja ognina orsakað av blámusoppi. Har var so nógvur blámusoppur, at politiið noyddist at flyta út.
