David Silva fyri seinastu ferð

Í dag spælir David Silva fyri seinastu ferð fyri Manchester City. Spanski bóltsnillingurin hevur verið ímyndin av Manchester City, sum vit kenna tað í dag. Hann kom til felagið í 2010, tá Gunnar Nielsen var partur av hópinum.

Hann kom úr spanska Valencia, har hann og Juan Mata skipaðu spælið. Báðir tóku skiftið til enska fótbólt. Serliga David Silva passði væl inn í Manchester City, har hann prógvaði at lágvaksnir og lættir bóltsnillingar væl kunnu klára seg millum stóru og sterku spælararnar í Premier League.

David Silva spælir sín dyst nummar 309 í Premier League í dag. Hann hevur vunnið Premier League fýra ferðir, FA Cup tvær ferðir og Liga Cup fimm ferðir. Hann er mest kendur fyri at verða ein partur av uppspælinum, tá Manchester City skorar, men tað er eisini blivið til 60 mál.

##med2## 

Tá David Silva í dag takkar fyri seg, er tað bara Sergio Aguero, sum er eftir av liðnum, ið vann fyrsta meistaraheitið í nýggjari tíð í 2012. Í fjør skifti liðskiparin Vincent Kompany til belgiskan fótbólt. Umframt at klára seg væl í Manchester City og Valencia, so hevur David Silva spælt 125 landsdystir fyri Spania, og er bæði evropameistari og heimsmeistari.

Premier League 38. umfar:

Sunnudagin klokkan 15

Arsenal – Watford

Burnley – Brighton

Chelsea – Wolverhampton

Crystal Palace – Tottenham

Everton – AFC Bournemouth

Leicester – Manchester United

Manchester City – Norwich

Newcastle – Liverpool

Southampton – Sheffield United

West Ham – Aston Villa