Elias Ellefsen á Skipagøtu og liðfelagarnir í THW Kiel fingu eina góða byrjan upp á kappingina í týsku bundesliguni.
Á útivølli vann Kiel 31-29 á Erlangen. Í steðginum var Erlangen á odda 13-12.
Elias skoraði seks mál, og var næstbesti málskjúttin hjá Kiel. Elias legði eisini upp til tvey mál. Við átta málum var Emil W. Madsen toppskjútti hjá Kiel.
Ígjár tapti liðið hjá Vilhelmi Poulsen, Hannover-Burgdorf á heimavølli í ZAG Arena 26-29 (11-15) fyri Gummersbach.
Sunnudagin klokkan 14 spæla Hákun West av Teigum og liðfelagarnir í Füchse Berlin fyrsta dystin hetta kapoingarárið í Max Schmelling høllini í Berlin. Dysturin verður ímóti Bergischer.
