Føroyskt sex á netinum

”Sum var tað ein jarðskjálvti, ið fór ígjøgnum meg, fekk hann meg at koma sum ongantíð fyrr!! Eg sá túsund litir framman fyri mær, hóast eg blundaði. Bleiv heilt svimbul, og pulsurin var í topp! Hann koyrdi á og kom við einum rópi av greði og nøgdsemi! Hann gav mær ein ordiligan smekk í endan og tivaði sum eitt ørt...”
Brotið omanfyri er úr søguni ”Tann ókendi”. Hon er um eina kvinnu, sum steðgar upp í bilinum seint á kvøldi. Ein fremmandur steðgar og hjálpir. Afturfyri tekur hann hana hart og krevjandi aftanífrá á myrka førara­setrinum. Á føroyskum!
Nýskrivaðar erotiskar søgur er bara ein partur av tí, sum nýggja heima­síðan elin.fo hev­ur at bjóða.
Elin í Stórustovu, sexologur, sum flest øll kenna frá ung­­­dóms­­send­­ing­um í útvarp­in­um, hevur tikið stig til síðuna, sum er um sex, væ­l­­veru, leikur og par­­lag.
– Endamálið er at fáa før­oy­ing­ar, og serliga kvinn­­­­ur­nar, at kenna og menna seg sexu­­­­elt. At leið­beina fólki til eitt betri sex­­­lív, bæði við hvørj­­­um øðr­um og einsa­møll, for­­telur Elin í Stóru­­stovu, sum hevur nom­ið sær út­­búgv­ing sum sexo­log­ur og par­­­ráð­­­gevi hjá navnframa danska sexo­log­­­in­um, Joan Ør­ting.
Krydd sum kitlar
Eitt eyðkenni við síð­­uni er parturin um sex­leikur. Sambært Elini í Stóru­stovu kunnu sex­leikur hava stóran týdn­ing fyri par­lagið sum heild, og ser­stak­liga fyri kvinn­urnar, sum ynskja at finna inn til sín veru­liga sexualitet.
– Mannfólk, sum onki kenna til sex­leikur, føla seg ofta hóttar av sexleikum. Teir halda, at eftir­gjørdu lutirnir koma í staðin fyri teirra egnu livandi amboð. Men veruleikanum eru tær bert eitt eyka krydd, sum ger, at kvinnan fær meira burtur úr, sigur Elin í Stóru­stovu.
Týskir snillar
Hon greiðir frá, at nógvar kvinnur lata sær lynda við vánaligt sex, tí tær hava lært at vera fittar og skikki­ligar og tær skamma seg um sexuali­tetin.
– Og tað er synd, tí við at arbeiða eitt sindur miðvíst við at læra seg sjálvar at kenna kropsliga, ber til at blóma kynsliga, sigur Elin í Stóru­stovu.
Hon fegnast almikið um, at tað í dag eru kvinnur, sum framleiða og designa sexleikur í einum feminin­um sniði, sum kvinnurnar kenna seg sjálvar aftur í.
– Nútímans leikur eru nógv ele­gant­ari enn tær gomlu, sum mann­fólkini komu dragsandi heim við av Istedgade – sovorðnir risastórir kjøtfarvaðir týskir plastikkmurtar við æðrum og hárum á bollunum. Totalt tørn of fyri kvinnuna, sigur hon og flennir.
Opnar ungar kvinnur
Sum skilst hevur Elin í Stóxrustovu alt gott at bera sexleikum, sum hon eisini hevur við til fyrilestrarnar, sum hon heldur kring landið. Tá hevur hon eitt stórt arsenal av leikum, sum hon setur fram á borðið at vísa áhoyrarunum.
– Kvinnurnar eru sera opnar og posi­tivar, tá tær hoyra um og sleppa at síggja hesar ymisku leik­urnar. Eg havi ikki upplivað, at tær verða illa við. Tvørturímóti eru tær yvirraskaðar av sniðinum og lit­unum, sum leikurnar eru úr í dag, sigur Elin, og staðfestir, at tey ungu eru nógv fríari enn tey tilkomnu, tá tað ræður um sex­leikur.
Eitt nú vísir hon á, at sexleikur eru púra natúrligar hjá teimum ungu kvinnunum dag. Tær fylgja rák­inum og eru ikki so smædnar.
– Ungu genturnar síggja tað sum eina sjálvfylgju at eiga onkra leiku, sigur hon.
Royna leikurnar
Heimasíðan elin.fo <http://elin.fo/> samstarvar við donsku heima­síðuna Lust.dk, sum selur sexleikur og aðrar vørur, sum kunnu hjúkla um kynslívið.
Eisini samstarvar hon við nakrar navn­givnar føroyskar kvinnur, sum ummæla leikurnar til síðuna.
– Eg gevi teimum eina vøru, sum tær so royna. So skriva tær eitt um­mæli, sum verður lagt út á síðuna, sigur Elin. Hon heldur tað vera um­­ráðandi, at kvinnurnar leggja sítt kristiliga navn til ummælini.
– Um endamálið er at gera sex­leik­ur minni duldarfullar, so er eis­­ini neyðugt, at vit ikki eru dul­nevnd á síðuni.
Sex á føroyskum
Sum sexologur kundi Elin í Stóru­stovu tikið fólk í sexologiska við­gerð, bæði støk og pør. Men fyribils hevur hon valt at fáa boðskapin út gjøgnum internetið. Hetta kemst eisini av, at tey flestu aftra seg við at fara til sexolog, um sexlívið ikki riggar. Hetta er ikki eitt serføroyskt fyribrigdi, men er eisini galdandi aðrastaðni.
Harumframt hevur Elin í Stóru­stovu eitt annað sikti við at kunna um sex á internetinum: Nevniliga á málsliga økinum. Tí, sum hon sigur, so kunnu vit lesa um sex á øðrum málum, men tað hevur eina fremmandagering við sær, sum so aftur ávirkar opinleikan fyri sex.
– Eins og við øllum øðrum, sum vit vilja hava eitt natúrligt forhold til, mugu vit eisini duga og tora at seta orð á og at tosa opið um sex, sigur hon, og nevnir sum dømi hetta við, at vit hava ikki natúrlig heiti fyri kvinnuligu kynsgøgnini.
– Og tá hugtakið ikki er til í huga­heiminum, so verður tað eisini hareftir, heldur hon.
Í sambandi við síðuna hevur hon ráðført seg hjá einum málkønum manni, sum hevur viðgjørt heitini á kyns­gøgnum, sum í mongum før­um eru fullkomiliga avbronglað á føroyskum. Tey eru nú samd um, at í gerandis skrift og talu eita tey fisa og murtur hjá vaksnum, og pissi­lingur og pissikona hjá børn­um.
Her vísir Elin í Stórustovu á, at tað er alneyðugt at fáa fleiri orð og vendingar knýttar at sexuella huga­heiminum hjá føroyingum. Tí verða erotiskar søgur eisini skriv­aðar til heimasíðuna.
­– Og øll eru vælkomin at royna seg sum høvundar, sigur hon og undir­strikar, at høvundarnir eru dul­nevndir.
Men er onki mark fyri, hvat hon leggur út á síðuna?
– Jú, tað vil vera ein meting í hvørj­um einstøkum føri. Eg havi ongantíð roynt hetta áður, so síðan má líkasum mennast saman við mær og mínum mørkum, og við atliti til afturmeldingarnar, sum koma upp á síðuna, sigur hon.
Bjóðar ikki sex
Ein av orsøkunum til, at Elin í Stóru­stovu hevur valt at savna seg mest um kvinnuliga sexualitetin er, at kvinnurnar seinastu árini eru vorðnar meira opnar um sex.=20 Eisini hava tær víst stóran vilja til at menna seg sjálvar á hesum økinum.
– Føroyskar kvinnur eru nógvar ferðir fríari enn mannfólkini, og eg fái nógvar fyrispurningar frá kvinnum, sum vilja hava ráð og vegleiðing, sigur Elin. Hin­vegin hevur hon ongantíð fingið eina seriøsa áheitan frá einum mann­fólki.
Tó hendir tað seg javnan, at eldri menn ringja hana upp.
– So siga teir sovorðið sum: ”Eg havi onki problem, men eg havi bara altíð droymt um at tosa við ein sexolog. Ein sum tolir at hoyra um mínir fantasiir. Og so havi eg eisini sæð teg í sjónvarpinum, so eg havi leingið hugsað um at ringja til tín…!!!” Teir ungu koma heldur yvur í bý­num, tá teir hava fingið upp í høvdið.
– Tá vilja teir fegnir hava ráð ella fortelja sínar røvarasøgur, sig­ur hon.
Samanuntikið fílist Elin í Stóru­stovu á, at mannfólkini halda, at ein sexologur eisini bjóðar seg fram sum sexpartnara ella sum ein, ið leggur oyra til teirra fantasiir. Bæði í telefonini og í vertskapi.
­– Hetta er ein trupulleiki, sum allir sexologar dragast við, og eg tími ikki hatta tvætlið. So eg savni meg mest um kvinnurnar og sexlívið í parlagnum, fortelur hon.
____________________________
Rigmor Dam