Hálvfinalurnar í steypakappingini í flogbólti verða í ár leiktar í KÍ-høllini í Klaksvík.
Byrjað verður klokkan 13.00 og hildið verður fram til umleið umleið klokkan 21.00 um kvøldið. Á skránni eru fýra dystir.
Dystirnir eru hesir:
13.00 Fleyr - TB (kvinnur)
15.00 Dráttur - Mjølnir (kvinnur)
17.00 ÍF - Mjølnir (menn)
19.00 SÍ b - SÍ a (menn)
Undanfarin ár eru hálvfinalurnar leiktar í Høllini á Hálsi, men við tað at henda í ár er undir umbygging, og ikki verður klár 10. februar, hevur Flogbóltssambandið lagt dystinar í KÍ-høllina.
Í sambandi við dystin verður taraflex-gólvið lagt út, eins og aðrar broytingar verða gjørdar, so høllin verður ikki at kenna aftur sambært flogbóltssambandinum.
Rás2 sigur frá øllum dystunum, og í hesum sambandi hevur frásøgumaðurin, Óli G. Samuelsen upptakt á Rás2 klokkan 14 í dag.
Øll kunnu hoyra Rás2 á www.midlar.fo, og annars á FM 88,7, FM 91,7, FM 95,9 og á FM 98,7.
