Tað skrivar danski miðilin Check-in.dk.
Flogfarið var á veg úr París til Keypmannahavnar við rutunummarinum AF1751, tá pilotarnir valdu at venda við og neyðlenda.
Sambært Flightradar24 var flogfarið komið upp í 11.280 metra hædd, tá støðan tók seg upp. Neyðlendingin fór fram umleið klokkan 08.48 lokala tíð.
Stórt tilbúgvingarlið stóð klárt á flogvøllinum við fleiri sløkkiliðsbilum, seks sjúkrabilum og tyrlu.
Hollendskir miðlar skriva, at roykur í kabinuni var orsøkin til neyðlendingina.
Øll sluppu tó óløstað frá hendingini, og eingin hevði tørv á sjúkrahúsviðgerð.
Returflogferðin hjá Air France úr Keypmannahavn seinni um morgunin varð avlýst.
